Գերմանիայում Պուտինի ձերբակալությունը հավասարազոր կլինի ՌԴ-ին պատերազմ հայտարարելուն. Մեդվեդև

 Ռուսաստանի Դաշնության Անվտանգության խորհրդի փոխնախագահ Դմիտրի Մեդվեդևը մեկնաբանել է Գերմանիայի արդարադատության նախարարության ղեկավար Մարկո Բուշմանի այն հայտարարությունը, թե Բեռլինը պարտավորվելու է ձերբակալել Ռուսաստանի նախագահ Վլադիմիր Պուտինին Գերմանիա մուտք գործելիս։ Ըստ պարոն Մեդվեդևի՝ նման արձագանքը հավասարազոր կլինի պատերազմ հայտարարելու։

«Պատկերացնենք, պարզ է, որ սա մի իրավիճակ է, որը երբեք չի իրականացվի, այո, բայց այնուամենայնիվ, եկեք պատկերացնենք, որ այն իրականացվել է։ Միջուկային պետության ներկայիս ղեկավարը ժամանել է, ասենք, Գերմանիայի տարածք և ձերբակալվել։ Ինչ է սա: Սա ՌԴ-ին պատերազմ հայտարարել է»,- ասել է պարոն Մեդվեդևը ռուս լրագրողներին տված հարցազրույցում։ 

Անվտանգության խորհրդի փոխնախագահը խոստացել է, որ Գերմանիայում ՌԴ նախագահի ձերբակալության դեպքում ռուսական բոլոր «միջոցները կթռչեն Բունդեսթագ, կանցլերի գրասենյակ եւ այլն»։ «Նա հասկանու՞մ է, որ սա casus belli է, որ սա պատերազմի հայտարարություն է։ Թե՞ նա վատ է սովորել»,- հավելել է Մեդվեդևը: Նա պարոն Բուշմանին անվանեց հիմար և կիսախելագար և ասաց, որ այնպիսի որոշումները, ինչպիսին է Միջազգային քրեական դատարանի կողմից Վլադիմիր Պուտինին կալանավորելու հրամանը, ստեղծում են «ահռելի բացասական ներուժ»:

Դմիտրի Մեդվեդևը նաև ասել է, որ չի սիրում Արևմուտքի գործող առաջնորդներին։ Միաժամանակ, նրա կարծիքով, «վաղ թե ուշ իրավիճակը կկայունանա, եւ կապը կվերականգնվի»։ Նա հույս ունի, որ մինչ այս պահը արեւմտյան ներկայիս ղեկավարների մի զգալի մասը «թոշակի կգնան»։

 «Եթե խոսքը լիներ, օրինակ, երկու-երեք տարվա հեռանկարի մասին կամա, թե ակամա մենք պետք է շփվեինք նրանց հետ։ Բայց նման հեռանկար տեսանելի չէ»,- ասել է ՌԴ Անվտանգության խորհրդի փոխնախագահը։

Հիշեցնենք, որ Գերմանիայի ԱՆ նախարար Բուշմանը բացատրել էր որ Գերմանիան պարտավորված կլինի ձերբակալել Պուտինին իր տարածքում՝ Միջազգային քրեական դատարանի որոշման պատճառով։