Թուրքիայում ազգային հարցումների վերջին տվյալները. Էրդողանը զիջում է
Հրապարակվել է Թուրքիայի նախագահական ընտրությունների վերաբերյալ ազգային հարցումների վերջին տվյալները։ Ընդդիմադիր Քեմալ Քըլըչդարօղլուն 53,1 %-ով առաջատար է։ Թուրքիայի ներկայիս նախագահ Ռեջեփ Թայիփ Էրդողանը ունի 42,3%:
Մայիսի 14-ին Թուրքիայում կայանալիք նախագահական ընտրություններում Ռեջեպ Թայիփ Էրդողանի գլխավոր մրցակիցը համարվող Քեմալ Քըլըչդարօղլուն այսօր երկրի խորհրդարանում հանդիպել է քրդական փոքրամասնության շահերը ներկայացնող Ժողովրդա- դեմոկրատական կուսակցության ղեկավար անդամների հետ։
«Ընդդիմադիր վեց կուսակցությունների կողմից առաջադրված Քըլըչդարօղլուն Ազգային մեծ ժողովում հանդիպում է քրդական կուսակցության համանախագահներ Փերվին Բուլդանի և Միթհատ Սանջարի հետ», - հաղորդում է թուրքական NTV հեռուստաընկերությունը։
