Շվեդիայի հակաահաբեկչական գործողություններն անբավարար են․ Չավուշօղլու

Թուրքիան Շվեդիայի հակաահաբեկչական գործողություններն անբավարար է համարում ՆԱՏՕ-ին նրա դիմումը հաստատելու համար։ Ինչպես գրում են ռուսական ԶԼՄ-ները՝ այս մասին հայտարարել է Թուրքիայի ԱԳՆ ղեկավար Մևլյութ Չավուշօղլուն։

Հիշեցնենք, որ ավելի վաղ Թուրքիայի նախագահ Ռեջեփ Թայիփ Էրդողանը հայտնել էր, որ Թուրքիան պատրաստ է սկսել ՆԱՏՕ-ին Ֆինլանդիայի անդամակցության վավերացման գործընթացը։

«Ֆինլանդիան կոնկրետ քայլեր է ձեռնարկել հուշագրի պայմանները կատարելու համար, որոնք անհրաժեշտ են դաշինքին միանալու համար: Մենք պատրաստ ենք և որոշել ենք սկսել Ֆինլանդիայի՝ ՆԱՏՕ-ին անդամակցության վավերացման գործընթացը: Համոզված ենք, որ Ֆինլանդիան ակտիվ դեր կխաղա դաշինքի անվտանգությունը ապահովելու գործում»,- ընդգծել էր Թուրքիայի ղեկավարը։