Թրամփին հաջորդ շաբաթ կարող են ձերբակալել. Իլոն Մասկն արձագանքել է
ԱՄՆ նախկին նախագահ Դոնալդ Թրամփը Truth Socia-ի եթերում զգուշացրել է, որ հաջորդ երեքշաբթի իրեն կարող են ձերբակալել։
«Հանրապետականների առաջատար թեկնածուն և Ամերիկայի Միացյալ Նահանգների նախկին նախագահը երեքշաբթի օրը կձերբակալվի, դուրս եկեք բողոքի, հետ վերցրեք մեր երկիրը», – նշել է քաղաքական գործիչը։
«ՌԻԱ Նովոստի»-ի փոխանցմամբ՝ ինչպես երեկ հայտնել է NBC հեռուստաալիքը, հաջորդ շաբաթ Թրամփին կարող են մեղադրանք առաջադրել այն բանի համար, որ նա իբր վճարել է պոռնոդերասանուհի Սթորմի Դենիելսին, որպեսզի լռի մի քանի տարի առաջ իրենց սիրավեպի մասին:
Ինքը՝ Սպիտակ տան նախկին ղեկավարը, հերքում է թե՛ կապը դերասանուհու հետ, թե՛ իր կողմից անօրինական գործողությունները։ Նա հրաժարվել է երդվյալ ատենակալներին ցուցմունք տալուց։
Ամերիկացի ձեռնարկատեր Իլոն Մասկն էլ սոցիալական իր ցանցերում գրել է.
«Եթե Թրամփին ձերբակալեն, ապա ընտրություններում նա հաղթանակ կտանի»:
