Ռուսաստանի հաղթանակը կօգնի մեզ․ Ասադը բացատրել է, թե ինչու են սիրիացիները մասնակցում Ուկրաինայի դեմ կռվին

Սիրիայի նախագահ Բաշար ալ-Ասադը չի բացառել, որ որոշ սիրիացիներ Ուկրաինայում կռվում են Ռուսաստանի կողմից, գրում է ТАСС-ը։

Նախագահը հիշեցրել է, որ երբ Սիրիայում պատերազմը սկսվեց, շատ կամավորներ կային ոչ միայն սիրիացիներից։ 

«Շատ մարդիկ եկան օգնելու Սիրիայի կառավարությանը: Եթե սիրիացի կամավորները ձեզ օգնեն Ուկրաինայի դեմ, նրանք չեն գա կառավարության միջոցով: Նրանք կգան ինքնուրույն և կանեն դա առանց քաղաքական հրահանգների: Ես գիտեմ, որ շատ սիրիացիներ նման ցանկություն ունեն», - ասել է նա։ 

Ասադը Solovyov Live ալիքին տված բացառիկ հարցազրույցում, որի կադրերը ցուցադրվել են «Россия-1» հեռուստաալիքով և Watch հարթակով, ասել է․ «Ես չգիտեմ, միգուցե որոշ կամավորներ արդեն այնտեղ են, ես տեղեկություն չունեմ այս մասին»,- ընդգծել է նա։
 

Ըստ Սիրիայի նախագահի՝ սիրիացիներն աջակցում են ռուսական բանակին, ինչպես ռուսական բանակն է աջակցել սիրիականին։ Նա հավելել է, որ Հանրապետության քաղաքացիները քաջ գիտակցում են, որ բարեկամ սիրիական երկրի՝ Ռուսաստանի հաղթանակը կօգնի սիրիացի ժողովրդին։

«Եթե քո ընկերն ուժեղ է, դու ուժեղ ես: Եվ մենք հասկանում ենք, որ այնտեղ կռիվն ազդում է միջազգային ասպարեզի վրա: Եվ հիմա դա վատ է անդրադառնում մեզ վրա: Եվ եթե միջազգային կարգը փոխվի, դա դրականորեն կանդրադառնա մեզ վրա․․․»,- ասել է Սիրիայի ղեկավարը։