Թուրքիայի նախագահ Ռեջեփ Թայիփ Էրդողանը խոսել է երկրում տեղի ունեցած ավերիչ երկրաշարժից հետո թալան իրականացնելու փորձերի մասին։ Այս մասին հայտնում է Hurriyet-ը։ 

«Ցավոք, շուկաներում թալանի փորձեր կան։ Արտակարգ դրության սահմանմամբ պետությունը կմիջամտի այդ կողոպուտներին՝ ստանալով խորհրդարանի թույլտվությունը»,- ասել է Էրդողանը։ 

Վերջին տվյալներով՝ փետրվարի 6-ին Թուրքիայում տեղի ունեցած ավերիչ երկրաշարժից զոհվել է 14000-ից ավելի մարդ, տուժել է գրեթե 65000-ը։ Թուրքիայի Քահրամանմարաշ նահանգում երկրաշարժի հետևանքների վերացման միջազգային շտաբում ընդգրկվել է 11 երկիր։ 

Թուրքիայի աղետների կառավարման վարչությունը հայտնել է, որ Թուրքիայում փրկարարներին հաջողվել է ավելի քան 28 հազար մարդու տարհանել աղետի գոտուց։