Փարիզի դատարանը կալանավորել է 3 քրդերին սպանած թոշակառուին
Փարիզի դատարանը կալանավորել է 69-ամյա թոշակառուին, ով 2022 թվականի դեկտեմբերի 23-ին քրդական մշակութային կենտրոնի մոտ սպանել է երեք մարդու, ևս երեքին վիրավորել։ Այս մասին այսօր հայտնել է BFM հեռուստաալիքը։
Հեռուստաալիքի տվյալներով՝ կրակողին մեղադրանք է առաջադրվել, և նա կալանավորվել է։ Նշվում է նաև, որ մեղադրանքը առաջադրվել է «Սպանություն» և «Ապօրինի զենք-զինամթերք պահելը» հոդվածներով։
Միաժամանակ, տեղի դատախազությունը նշել է, որ հանցագործի սկզբնական թիրախը քրդերը չեն եղել։ Քննիչների խոսքով՝ սկզբում նա ծրագրել էր վայրագություն կատարել մայրաքաղաքի Սեն-Դենի արվարձանում, սակայն վերջին պահին մտափոխվել է։
