Դոնեցկում վիրավորումից հետո Ռոգոզինը վիրահատության է ենթարկվել
«Ռոսկոսմոսի» նախկին ղեկավար Դմիտրի Ռոգոզինին Մոսկվայի շրջանի հիվանդանոցներից մեկում վիրահատության են ենթարկել, ՌԻԱ Նովոստիին ասել է Ռոգոզինի օգնականը։
«Դմիտրի Օլեգովիչը բարդ վիրահատության է ենթարկվել՝ պարանոցի շրջանից ուկրաինական զենքի բեկորը հանելու համար»,- պարզաբանել է աղբյուրը։
Օգնականն ընդգծել է, որ վիրահատությունը բարեհաջող է անցել, Ռոգոզինն արդեն ապաքինվում է։
Հիշեցնենք, որ2022 թվականի դեկտեմբերի 22-ին «Ռոսկոսմոսի» նախկին ղեկավար Դմիտրի Ռոգոզինը վիրավորվել էր Դոնեցկի հրետակոծության ժամանակ Ուկրաինայի զինված ուժերի կողմից։ Հրթիռակոծության պահին Ռոգոզինը գտնվել է հյուրանոցում։ Նրան ուղեկցող մի քանի հոգի նույնպես վիրավորվել են։
