«Ռուսներից էլ կպահանջենք, բայց առաջին պատասխանատուն դուք եք». Արծվիկ Մինասյանը՝ իշխանությանը

 «Հայաստան» խմբակցության քարտուղար Արծվիկ Մինասյանի կարծիքով՝ Հայաստանի իշխանությունն իր պարտականություններն անընդհատ բարդում է Ռուսաստանի Դաշնության վրա։

«Ձեր իշխանությունն է հանձնել Քաշաթաղը, ձեր իշխանությունն է հանձնել Լաչինի այլընտրանքային ճանապարհը, ձեր իշխանությունն  է ստանձնել պարտավորություն՝ լինել Արցախի անվտանգության երաշխավորը, հիմա եկել եք այստեղ, լոլոներ եք կարդում, թե գնացեք ռուսներից պահանջեք։ Ռուսներից էլ կպահանջենք, բայց առաջին պատասխանատուն դուք եք, Հայաստանի իշխանությունն է, որ երկիրը հասցրել է այս օրին», - Ազգային ժողովի արտահերթ նիստում հայտարարեց Մինասյանը։

Նա ասաց, թե Հայաստանում ու Արցախում ստեղծված իրավիճակի թիվ մեկ պատասխանատուն Հայաստանի իշխանությունն է։