Էմբեր Հերդը և Ջոնի Դեփը կկարգավորեն զրպարտության մասին վեճը

Հոլիվուդյան դերասաններ Էմբեր Հերդը և Ջոնի Դեփը կկարգավորեն զրպարտության մասին վեճը: Այս մասին հայտնում է Говорит Москва-ն:

Դերասանուհին համաձայնել է նախկին ամուսնուն մեկ միլիոն դոլար վճարել այս պատմությանը վերջ տալու համար։ Սոցցանցերում նա հաղորդագրություն է տարածել` նշելով, որ «դա շատ դժվար որոշում էր»։ Հերդն ընդգծել է, որ չի ընդունում իր մեղքը և շարունակում է պաշտպանել ճշմարտությունը՝ «նույնիսկ իմանալով, որ կյանքը կործանված է»։ Դերասանուհին նաև հույս է հայտնել, որ կկարողանա նորից սկսել ապրել, ինչպես ծրագրել էր վեց տարի առաջ։

Հունիսին Վիրջինիայի դատարանը Էմբեր Հերդին մեղավոր ճանաչեց զրպարտության մեջ և պարտավորեցրեց նրան 15 միլիոն դոլար վճարել Ջոնի Դեփին: Ինքը՝ դերասանուհին, ստացել է նաև երկու միլիոն դոլար բարոյական վնասի փոխհատուցում։
 

Հոլիվուդյան աստղերը պաշտոնապես ամուսնալուծվել են 2016 թվականին, և նրանց միջև դատական ​​գործընթացը սկսվել է 2019 թվականին՝ Հերդի հոդվածի հրապարակումից հետո, որտեղ նա իրեն անվանել է «ընտանեկան բռնության խնդիրը ներկայացնող հասարակական գործիչ»։