Ռուս խաղաղապահները ադրբեջանցիներին ժամանակ են տվել. Bagramyan26
Արցախի Bagramyan26 աղբյուրները հայտնում են, որ ռուս խաղաղապահները Լաչինի միջանցքն ապօրինի փակած ադրբեջանցիներին ժամանակ են տվել մինչև այսօր օրվա երկրորդ կեսը՝ ինքնուրույն ապաշրջափակելու ճանապարհը։ Հակառակ դեպքում խաղաղապահները կբացեն ճանապարհը և ուժի կիրառմամբ կվերականգնեն երթեւեկությունը։
Այս մասին խաղաղապահներն անուղղակի տեղեկացրել են Ստեփանակերտի Վերածննդի հրապարակում հավաքված քաղաքացիներին, որպեսզի արցախցիները զերծ մնան միջանցքի ապաշրջափակման գործողություններից։
Տելեգրամ ալիքի հաղորդմամբ` ԼՂՀ հրամանատարությունը վրդովված է ադրբեջանցիների լկտի պահվածքից և սադրիչ գործողություններից, որոնց նպատակն առաջին հերթին խաղաղապահներին վարկաբեկելն է։
