«Ինչքան էլ հերքեն Արցախի իրավասու պաշտոնյաները, ակնհայտ է՝ Լաչինի միջանցքի ռեժիմը խստացվում է». քաղաքագետ

 Քաղաքագետ Սուրեն Սուրենյանցի գրառումը` Լաչինի միջանցքում վերահսկողություն սահմանելու ադրբեջանական փորձերի մասին>

 «Սթափվենք. վաղն ուշ է լինելու... Ինչ էլ ասեն, հերքեն, պարզաբանեն Արցախի իրավասու պաշտոնյաները, ակնհայտ է՝ Լաչինի միջանցքի ռեժիմը խստացվում է ու դա տեղի է ունենում ռուս-ադրբեջանական պայմանավորվածությունների արդյունքում: Մեր խնդիրը ոչ թե Վոլկովի խոսքերը հերքելը կամ նրա խոսնակի դերն ստանձնելն է, այլ առաջին հերթին՝ տեղի ունեցածի նկատմամբ միջնորդական հարթակների առաջ պատասխանատվություն դնելը, որպեսզի նրանց արձագանքը, վարքագիծը համարժեք լինեն:

Սակայն այդ աշխատանքը պետք է զգույշ արվի՝ առանց պսևդոհայրենասիրության, Կոսովոյի նախադեպի մասին դատարկ զրույցների:

Եթե նույնիսկ տարիներ առաջ Արցախի անկախության կամ միացման օրակարգն իրական են եղել (ինչը կասկածելի է), 44-օրյա պատերազմից հետո, նման նարատիվը, օրակարգը կոտրելու են Հայաստանի պետականության ողնաշարը: Սթափվենք, քանի դեռ հնարավոր է ԼՂ սուբեկտության վերականգնումը, նրա վարչատարածքային, քաղաքակրթական ինքնավարությանը հասնելը: Ստեփանակերտի ու Բաքվի դիալոգը, որը սիմետրիկ չի լինելու, այլընտրանք չունի: Վաղն ուշ է լինելու...»:

Հավելենք, որ ադրբեջանական լրատվամիջոցները ակտիվ տարածում էին տեսանյութ, որտեղ Արցախում ռուս խաղաապահ զորակազմի հրամանատար Անդրեյ Վոլկովն ասում է, թե ադրբեջանական կողմի հետ մինի-մաքսակետ կառուցելու պայմանավորվածություն են ձեռք բերել. «Որոշում է կայացվել տեղադրել հատուկ սարքավորում մեր առաջին պահակակետի մուտքին»: Արցախից, սկայան, հերքեցին տեղեկությունը:

Հիշեցնենք,մ որ դեկտեմբերի 3-ին Արցախի տեղեկատվական շտաբը հայտնեց, որ Շուշի-Քարին տակ խաչմերուկը փակ է. քաղաքացիական հագուստներով մի խումբ ադրբեջանցիներ բնապահպանական պատճառաբանությամբ փակել էին Ստեփանակերտ-Գորիս մայրուղին: