ԱՄՆ դեսպանատունը կոչ է արել իր քաղաքացիներին հեռու մնալ Երևանում ծրագրվող հակառուսական ակցիայից

Հայաստանում ԱՄՆ դեսպանությունն իր քաղաքացիներին կոչ է արել հեռու մնալ Երևանում ծրագրվող հակառուսական ակցիայիցը։ 24news-ի ձեռքի տակ է հայտնվել Միացյալ Նահանգների դեսպանության կողմից ՀՀ-ում գտնվող իր քաղաքացիներին ուղղված նամակ, ըստ որի՝ ամերիկյան դիվանագիտական ներկայացուցչությունը կոչ է անում հեռու մնալ այն վայրերից որտեղ այսօր՝ նոյեմբերի 23-ին, ծրագրվում է անցկացնել հակառուսական ակցիաներ ընդդեմ ՌԴ նախագահ Վլադիմիր Պուտինի և ՀԱՊԿ-ի։ 

Նամակում մասնավորապես ասվում է․

 «Տեղական լրատվամիջոցները նշում են, որ որոշ ճանապարհներ փակ կլինեն, և ողջ ընթացքում հնարավոր են ցույցեր Երևանում։ Ցույցերը կարող են լինել անկանխատեսելի, և մասնակիցները կարող են ցանկացած պահի փոխել ուղղությունը, երթևեկության և շարժման նոր բլոկներ ստեղծել: Նույնիսկ խաղաղ բնույթ կրող ցույցերը կարող են վերածվել առճակատման և, հնարավոր է, բռնի: Գործողություններ, որոնք պետք է ձեռնարկվեն.

• Խուսափեք տարածքից,

• Հետևեք տեղական լրատվամիջոցներին` թարմացումներին ծանոթանալու համար,

• Խուսափեք բազմությունից,

• Խուսափեք ցույցերից։

• Տեղեկացրեք ընկերներին և ընտանիքին ձեր անվտանգության մասին,

• Տեղյակ եղեք ձեր շրջապատից»:
[b7e2b1457d73112712a7ce877bee27ce.jpg]