Կդիտարկվեն պատժամիջոցների բոլոր տարբերակները, որ Իրանը չստանա միջուկային լիցք
ԱՄՆ նախագահ Ջո Բայդենը կդիտարկի Իրանի դեմ պատժամիջոցներ սահմանելու բոլոր տարբերակները միջուկային լիցք չստանալու համար, հայտնում է ՏԱՍՍ-ը։
Ավելի վաղ ISNA-ն, հղում անելով Իրանի ատոմային էներգիայի կազմակերպությանը, հայտնել էր, որ Թեհրանը սկսել է ուրանի մինչև 60 տոկոս հարստացումը Ֆորդոյի միջուկային օբյեկտում։
Մինչ այս հաղորդվում էր, որ Իրանը Ֆորդոյում սկսել է ուրանի մինչև 20 տոկոս հարստացման գործընթացը։ ԱՄՆ-ն այս որոշումը անվանել է «միջուկային շանտաժ»։
Թեհրանը վավերացրել է նաև «Պատժամիջոցների վերացման ռազմավարական միջոց» օրենքը, որը նախատեսում է ուրանի արտադրություն 20% և ավելի հարստացման մակարդակով։