Իրանցի զինվորականը սպառնացել է առևանգել Իսրայելի վարչապետին և ստրկացնել
Սպահան նահանգի Իսլամական հեղափոխության պահապանների կորպուսի (ԻՀՊԿ) հրամանատարի տեղակալ Մոջթաբա Ֆադան սպառնացել է առևանգել Իսրայելի վարչապետ Բենիամին Նեթանյահուին և նրան Իրան բերել «ստրուկի վզկապ կապած»: Այս մասին զինվորականը հայտնել է տեղական լրատվամիջոցներին։ Նրա խոսքերը փոխանցում է газета.ru-ն` մեջբերելով The Jerusalem Post-ի հոդվածը։
«Վարչապետը հույս ուներ, որ Իրանում ցույցերը թույլ կտան իրեն գալ Թեհրան։ Բայց Աստծո կամոք, Իսլամական Հանրապետությունը կհաղթի և վարչապետին ստրուկի վզկապով, շղթայված կպտտեն Իրանով մեկ»,- ասել է Մոջթաբա Ֆադան:
Իրանի իշխանությունները ներկայումս կասկածում են Իսրայելի, ԱՄՆ-ի, Մեծ Բրիտանիայի և Սաուդյան Արաբիայի հետախուզական գործակալություններին` երկրում անկարգություններ հրահրելու մեջ: Թեհրանի խոսքով՝ նպատակը երկրում «անվտանգությունը խաթարելն» էր։