Ինչ վիճակում է Գյումրիում ծառը բարձրացած և ինքնահրկիզված տղամարդը
Գյումրիում ինքնահրկիզված տղամարդու մոտ ախտորոշվել է գլխի, կրծքավանդակի, պարանոցի, զույգ վերին վերջույթների այրվածքներ: Այս մասին NEWS.am-ին հայտնել են Գյումրու բժշկական կենտրոնից:
Քաղաքացին տեղափոխվել է վերակենդանացման բաժանմունք` ստացիոնար բուժման համար։
Ինչպես հայտնի էր դարձել` Գյումրիում այսօր ավելի վաղ Թատերական հրապարակում եղեւնու վրա բարձրացրած տղամարդը ինքնահրկիզվել է։
Նա նախ փորձել է ծառից ցած նետվելու միջոցով ինքնասպան լինել, սակայն նրան փրկարարները իջեցրել են, ինչից հետո նա ինքնահրկիզվել է։
