Twitter-ը վերականգնել է Թրամփի էջը

 Twitter-ը ակտիվացրել է ԱՄՆ նախկին նախագահ Դոնալդ Թրամփի էջն այն բանից հետո, երբ Իլոն Մասկի անցկացրած հարցման մասնակիցների մեծ մասը քվեարկել է դրա օգտին։

Թրամփի էջն անորոշ ժամանակով սառեցվել էր 2021 թվականի հունվարի 8-ին, երբ նրա կողմնակիցները հարձակվել էին Կապիտոլիումի վրա` փորձելով խափանել դեմոկրատ Ջո Բայդենի` նախագահական ընտրություններում հաղթանակի հաստատումը:

Դոնալդ Թրամփն իր վերաբացված էջում դեռ ոչինչ չի գրել, սակայն օգտատերերն արդեն մեկնաբանություններ են թողել այնտեղ։ Էջը կրկին տեսանելի է դարձել սոցցանցում` բոլոր հրապարակումների հետ միասին։

Նշենք, որ Թրամփն ունի գրեթե 25 միլիոն հետևորդ։