ՏԵՍԱՆՅՈՒԹ․ Մադրիդի ազգային թանգարանում ակտիվիստ կանայք սոսնձել են ձեռքերը նկարների շրջանակներին
Futuro Vegetal կազմակերպության երկու էկոակտիվիստներ Իսպանիայի մայրաքաղաք Մադրիդի Պրադո ազգային թանգարանում իրենց սոսնձել են իսպանացի նկարիչ Ֆրանսիսկո Գոյայի նկարների շրջանակներին, հաղորդել է շարժումն իր սոցիալական ցանցերում:
«Պրադո թանգարանում մենք սոսնձվեցինք Գոյայի «Մախա»-ներին: Անցյալ շաբաթ ՄԱԿ-ը խոստովանեց, որ անհնար է մնալ Փարիզի համաձայնագրով սահմանված 1,5 միջին ջերմաստիճանից ցածր մակարդակում՝ նախաարդյունաբերական մակարդակի համեմատ»,- ասվում է կազմակերպության Twitter-ում:
Կազմակերպության հրապարակած տեսանյութի համաձայն՝ երկու աղջիկներն իրենց ձեռքերը սոսնձել են Ֆրանցիսկո Գոյայի «Մերկ Մախան» եւ «Հագնված Մախան»՝ նկարների շրջանակներին եւ երկու նկարների միջեւ պատին սեւ ներկով թողել «+1,5 աստիճան» հաղորդագրությունը։
