Համաշխարհային առաջնորդների հետ խոսել եմ Պուտինի մասին․ ի՞նչ է ասել Էրդողանը
Թուրքիայի նախագահ Ռեջեփ Թայիփ Էրդողանը հայտարարել է, որ Պրահայում Եվրոպական քաղաքական համայնքի գագաթնաժողովի շրջանակում նա համաշխարհային առաջնորդների հետ խոսել է Ռուսաստանի նախագահ Վլադիմիր Պուտինի նկատմամբ նրանց սխալ վերաբերմունքի մասին։
«Ում հետ էլ Պրահայում խոսել եմ, բոլորը նրա դեմ են: Ես ասացի, որ դա սխալ է: Եթե դուք սխալ մոտեցումներ ցուցաբերեք Ռուսաստանի նման պետության նկատմամբ, նա (Պուտինը) կհաստատվի որպես առաջնորդ՝ չլինելով ճնշված…. Որպես աշխարհի ամենահարգված երկրներից մեկը, ինչպիսին Ռուսաստանն է, դուք կկանգնե՞ք և այո կասե՞ք նման հարձակումներին: Դա անհնար է»,- ասել է Էրդողանը A Haber հեռուստաալիքին տված հարցազրույցում։
Թուրքիայի առաջնորդը նաև ասել է, որ Պուտինը այն քաղաքական գործիչը չէ, որը «հետքայլ կանի, երբ իր վրա ճնշում գործադրվի»։
