ՏԵՍԱՆՅՈՒԹ․ Ավստրալիայի արևելյան ափին լայնածավալ ջրհեղեղները շարունակվել են ութ ամիս
Ավստրալիայի կառավարությունը 800 միլիոն ավստրալիական դոլար (516 միլիոն դոլար) կուղարկի երկրի արևելյան ափին զանգվածային ջրհեղեղներից տներ վերանորոգելու, արդիականացնելու և գնելու համար, ասել է Ավստրալիայի վարչապետ Էնթոնի Ալբանեզը:
Վարչապետը նաև պարզաբանել է, որ միայն «ջրհեղեղի բարձր ռիսկ ունեցող» տարածքներում գտնվող տների սեփականատերերը կկարողանան իրենց տները վաճառել պետությանը, իսկ մնացած բոլորին կառաջարկվի սուբսիդավորում անշարժ գույքի վերակառուցման կամ վերանորոգման համար։ Վճարման գումարը չի գերազանցի $100,000 ($647,000): «Մենք պետք է ավելի շատ ուշադրություն դարձնենք պաշտպանությանը, քանի որ գիտենք, որ բնական աղետները կդառնան ավելի հաճախակի և ավելի դաժան կլիմայի փոփոխության պատճառով», - ասել է Ալբանեզը:
Նշվում է, որ Ավստրալիայի արևելյան ափին 2022 թվականի փետրվարին սկսված լայնածավալ ջրհեղեղները շարունակվել են ութ ամիս։ Նոր Հարավային Ուելսի հյուսիսային և կենտրոնական հատվածում այս տարի հորդառատ անձրևներ են տեղացել արդեն 180 օր, հայտնում է երկրի պետական եղանակային բյուրոն:
