Ռուսական գազից ԵՄ կախվածությունը նվազել է. Բորել

ԵՄ դիվանագիտության ղեկավար Ժոզեպ Բորելը հայտարարել է ռուսական գազի մատակարարումներից ԵՄ կախվածության կրճատման մասին:
 

Նա ընդգծել է, որ դրանք ընդհանուր ներմուծման 40%-ից հասել են 7%-ի: Այս մասին հայտնում է Говорит Москва-ն:

Նշվում է, որ Բորելը նման հայտարարություն է արել ՄԱԿ-ի Լատինական Ամերիկայի և Կարիբյան ավազանի տնտեսական հանձնաժողովի նիստում։
 

«Սա ստիպում է մեզ փնտրել այլ մատակարարներ, խաղադրույք կատարել ոչ ածխածնային էներգիայի վրա: Եվ մենք տեսնում ենք այդ հնարավորությունները Լատինական Ամերիկայում»,- ասել է նա:
 

Ավելի վաղ Համաշխարհային բանկը նախազգուշացրել էր Եվրոպայում գազի գնի զգալի աճի մասին։ Մինչև 2024 թվականը էներգիայի ռեսուրսի արժեքը կաճի չորս անգամ՝ նախորդ հինգ տարիների միջին գնի համեմատ։