Հայտնի է` ինչ սադրանք է նախապատրաստել Ուկրաինան` «կեղտոտ ռումբով». ՌԴ ԶԼՄ-ն մանրամասներ է հայտնում

 Կիևի ռեժիմն արդեն ավարտել է «կեղտոտ ռումբով» սադրանքի տեխնիկական նախապատրաստումը, այս մասին գրում է ՌԻԱ Նովոստին: Լրատվականի աղբյուրը հայտնել է, թե ուկրաինական «Յուժմաշ» ձեռնարկության մասնագետները պատրաստել են «Իսկանդեր» համալիրի կեղծ հրթիռը, որը նախատեսում են լցնել ռադիոակտիվ նյութով, այնուհետև, իբր, խփել Չեռնոբիլի ատոմակայանի բացառման գոտի և դրանում մեղադրել ՌԴ-ին:

Աղբյուրը պարզաբանել է, որ նշված «Իսկանդեր» հրթիռի մեջ նախատեսում են օգտագործել «Տոչկա-Ու» հրթիռային համակարգի տարրերը, որպեսզի հետո դրանով  համոզեն արևմտյան հանրությանը և ԶԼՄ-ներին, թե իբր սադրանքի հեղինակը Ռուսաստանն է եղել: