Եվրոպական միությունը 2023-ից Ուկրաինային ամսական կտրամադրի 1.5 միլիարդ եվրո

Եվրոպական միությունը 2023 թվականից ամեն ամիս Ուկրաինային կհատկացնի 1.5 միլիարդ եվրո Ռուսաստանի հարձակմանը դիմակայելու համար:

Այդ մասին երեկ հայտնել է Եվրոպական հանձնաժողովի նախագահ Ուրսուլա ֆոն դեր Լայենը, փոխանցում է BBC.com-ը։ 

 Նա այդ հայտարարությամբ հանդես է եկել Բրյուսելում՝ Եվրամիության երկրների ղեկավարների գագաթնաժողովում՝ ռուս-ուկրաինական պատերազմի 240-րդ օրը:

«Շատ կարևոր է, որ Ուկրաինան ունենա կանխատեսելի և կայուն եկամուտ: Ուկրաինան մեզ փոխանցել է, որ ամեն ամիս պետք է 3-ից 4 միլիարդ եվրո տարրական կարիքները հոգալու համար»,- ասել է Ուրսուլա ֆոն դր Լայենը:

Ենթադրվում է, որ պահանջված գումարի մնացած մասն Ուկրաինային կտրամադրի Ամերիկայի Միացյալ Նահանգները:

Եվրոպական հանձնաժողովի նախագահի փոխանցմամբ, Եվրոպական միությունն այսօրվա դրությամբ Ուկրաինային արդեն տրամադրել է 19 միլիարդ եվրոյի օգնություն: