Արցախում ՏԻՄ ընտրություններ են. տվյալները` ժամը 11-ի դրությամբ
Այսօր տեղական ինքնակառավարման մարմինների արահերթ ընտրություններ են անցկացվում Արցախի Հանրապետության Մարտակերտի շրջանի Ծմակահող (համայնքի ղեկավարի), Վանք, Նոր Ղազանչի, Մոխրաթաղ համայնքներում (ավագանու անդամների) և Մարտունու շրջանի Խերխան համայնքում (ավագանու անդամների):
ԱՀ Մարտակերտի և Մարտունու տարածքային ընտրական հանձնաժողովներից տեղեկացնում են, որ ժամը 8:00-ին բացվել են բոլոր 5 ընտրական տեղամասերը և քվեարկությունը սկսված է: Ըստ ոստիկանության հաղորդած տվյալների՝ ՏԻՄ ընտրությունների ընտրողների քվեացուցակներում ընդգրկված են 1673 ընտրող:
Ժամը 11.00-ի դրությամբ ընտրություններին մասնակցել է 206 ընտրող կամ ընտրողների 12.31 տոկոսը: Այս մասին տեղեկացնում են ԱՀ կենտրոնական ընտրական հանձնաժողովից:
Ըստ ընտրական տեղամասերի՝ Մարտակերտի շրջանի Ծմակահող համայնքում 168 ընտրողից քվեարկությանը մասնակցել է 49-ը կամ 29.17 տոկոսը, Մոխրաթաղում՝ 264 ընտրողից 62-ը կամ 23.48 տոկոսը, Նոր Ղազանչիում՝ 123 ընտրողից՝ 9-ը կամ 7.32տոկոսը, Վանքում՝ 1032 ընտրողից 79-ը կամ 7.66 տոկոսը, իսկ Մարտունու շրջանի Խերխան համայնքում՝ 86 ընտրողից 7-ը կամ 8.14 տոկոսը:
