ՏԵՍԱՆՅՈՒԹ․ Ղրիմի կամրջի վրա պայթյունից հետո առաջացած հրդեհի մարման աշխատանքներին մասնակցել է 250 մարդ
Լրատվամիջոցները հրապարակել են կադրեր, թե ինչպես են փրկարարները մարում Զրիմի կամրջի վրա պայթյունից հետո առաջացած հրդեհը։
Ղրիմի կամրջի վրա դիզվառելիքով երկաթուղային գնացքում բռնկված հրդեհը մարվել է, այս պահին բաց այրում չկա, ՌԻԱ Նովոստիին հայտնել են ՌԴ արտակարգ իրավիճակների նախարարությունից։
«Ղրիմի կամրջի վրա դիզվառելիքով երկաթուղային գնացքի հրդեհը մարվել է, այս պահին բաց այրում չկա, մարման աշխատանքներին մասնակցում է 250 մարդ, 70 միավոր տեխնիկա»,- ասել է աղբյուրը։
Հիշեցնենք, որ այսօր Ազգային հակաահաբեկչական կոմիտեն հայտնել էր, որ վաղ առավոտյան Ղրիմի կամրջի վրա բեռնատար է պայթել, ինչի հետևանքով գնացքի վառելիքի յոթ բաքերում հրդեհ է բռնկվել։ Կամուրջի երկու ավտոմոբիլային բացվածքների մասնակի փլուզում է տեղի ունեցել։
Կամուրջի ցամաքային հատվածի կամարը վնասված չէ։ Մարզային իշխանությունների նախնական տեղեկություններով՝ միջադեպի հետևանքով զոհեր և վիրավորներ չկան։
