Ո՞րն է լինելու հաջորդը, ռուսնե՛ր․ Ուկրաինայի ՊՆ-ն՝ Ղրիմի կամրջի վրա տեղի ունեցած պայթյունի մասին
«Մոսկվա» հրթիռային հածանավը և Կերչի կամուրջը՝ ուկրաինական Ղրիմում ռուսական հզորության երկու տխրահռչակ խորհրդանիշները, կործանվել են։ Ո՞րն է լինելու հաջորդը, ռուսնե՛ր: Այսպիսի գրառում է կատարել Ուկրաինայի ՊՆ պաշտոնական թվիթերյան էջը՝ անդրադառնալով Ղրիմի կամրջի վրա տեղի ունեցած պայթյունին։
Ավելի վաղ պատահարին անդրադարձել է եղել նաև Ուկրաինայի նախագահ Վլադիմիր Զելենսկու գրասենյակից․
Վլադիմիր Զելենսկու գրասենյակի ղեկավարի խորհրդական Միխայիլ Պոդոլյակը Ղրիմի կամրջի վրա տեղի ունեցած վթարից հետո ասել է, որ սա «սկիզբն է»։
«Ղրիմը, կամուրջը, սկիզբը. Պետք է ոչնչացնել այն, ինչ անօրինական է, գողացվածը վերադարձվի Ուկրաինային, ռուսական օկուպացիան պետք է վտարվի», - գրել է Պոդոլյակը Twitter-ի իր միկրոբլոգում։
Հիշեցնենք, որ այսօր Ազգային հակաահաբեկչական կոմիտեն հայտնել էր, որ վաղ առավոտյան Ղրիմի կամրջի վրա բեռնատար է պայթել, ինչի հետևանքով գնացքի վառելիքի յոթ բաքերում հրդեհ է բռնկվել։ Կամուրջի երկու ավտոմոբիլային բացվածքների մասնակի փլուզում է տեղի ունեցել։
Կամուրջի ցամաքային հատվածի կամարը վնասված չէ։ Մարզային իշխանությունների նախնական տեղեկություններով՝ միջադեպի հետևանքով զոհեր և վիրավորներ չկան։
