Էրդողան-Փաշինյան հանդիպումը թուրքական գրեթե բոլոր թերթերի գլխավոր նորությունն է․ ի՞նչ են գրում
Թուրքական լրատվամիջոցները գրում են, որ Հայաստանի ու Թուրքիայի ղեկավարների հանդիպումը պատմական էր, քանի որ նման հանդիպում եղել էր միայն 13 տարի առաջ։
Հատկապես իշխանամետ աղբյուրները հանդիպումը ներկայացնում են, այսպես կոչված, խաղաղության բանակցությունների կոնտեքստում՝ Էրդողանին կոչելով տարածաշրջանում խաղաղության առաջնորդ։
Իշխանամետ «Աքշամ» թերթն էլ հանդիպումը մեկնաբանում է «Էրդողանի, Ալիևի և երկու տարի շարունակ խաղաղության պայմանագիր կնքելուց հապաղող Փաշինյանի հանդիպումը»։
Տարածաշրջանի խաղաղության համատեքստում թերթերը մեջբերում են նաև Էրդողանի խոսքերը, թե վերջինս կարող է «մի օր էլ Սիրիայի նախագահ Ասադի հետ հանդիպել»։
Գրում են, որ Փաշինյանն ու էրդողանը դրական դիրքորոշում են հայտնել երկկողմ բանակցությունները Երևանում կամ Անկարայում շարունակելու վերաբերյալ։
