Ավտովթար` Արարատ քաղաքում. 1 տարեկան երեխա է մահացել
Այսօր ժամը 09։35-ին Արարատի մարզային ճգնաժամային կառավարման կենտրոն ահազանգ է ստացվել, որ Արարատ քաղաքի Բանավան թաղամասի մոտակայքում տեղի է ունեցել ՃՏՊ․ կա տուժած։ Այս մասին հայտնում են ՀՀ արտակարգ իրավիճակների նախարարությունից։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ «Ford Transit» մակնիշի ավտոմեքենան (վարորդ՝ Ա․ Շ․, ծնված 1985 թ.) բախվել է «Iveco» մակնիշի բեռնատար ավտոմեքենային (վարորդ՝ Ռ․ Թ․, ծնված 1985 թ.)․ «Ford Transit» մակնիշի ավտոմեքենայի մեկ տարեկան ուղևոր Ա․ Շ․-ն (ծնված 2021 թ.) տեղում մահացել է:
