ՏԵՍԱՆՅՈՒԹ․ Իրաքում ցուցարարները մտել են կառավարության կենտրոնակայան և զվարճանում են լողավազանում
Իրաքի կառավարության նիստերը հետաձգվել են, քանի որ ցուցարարները ներխուժել են Բաղդադում կառավարության կենտրոնակայան, ասվում է Իրաքի վարչապետ Մուստաֆա Քազիմին հայտարարության մեջ:
Իրաքի ազդեցիկ շիա քաղաքական գործիչ Մուկթադա աս-Սադրի հարյուրավոր կողմնակիցներ քաղաքականությունից հեռանալու մասին նրա հայտարարությունից հետո ներխուժել են Բաղդադի կառավարության շենք։ Ցուցարարները ներխուժել են նաեւ Հանրապետական պալատ՝ Իրաքի կառավարության կենտրոնակայան, որը գտնվում է Կանաչ գոտում, որտեղ բախումներ են սկսվել նրանց եւ իրավապահների միջեւ։
«Վարչապետը, Զինված ուժերի գերագույն գլխավոր հրամանատարը հանձնարարել են Նախարարների խորհրդին մինչև հաջորդ ծանուցում դադարեցնել նիստերը՝ կապված կառավարության պալատում մի խումբ ցուցարարների ներթափանցման հետ»,- ասված է հաղորդագրությունում։
Երկուշաբթի օրը Մուկթադա ալ-Սադրը, որի կողմնակիցները շարունակում են բողոքի ցույցերը խորհրդարանում, հայտարարել է, որ վերջնականապես հեռանում է քաղաքականությունից: Մի ազդեցիկ շիա հոգեւորական և քաղաքական գործիչ ակնարկել է, որ նրան կարող են սպանել։
Իրաքի իշխանությունները հայտարարել են 15:30-ից ողջ Բաղդադում պարետային ժամ մտցնելու մասին։
