Աշխատանքի ժամանակ նույն քննադատողները գալիս էին՝ ուղղակի սելֆի անելու․ ԱԻՆ աշխատակից

«Կան մարդիկ, որ շատ հեռու են որոնողափրկարարական աշխատանքներից, բայց քննադատում են: Աշխատանքի ժամանակ նույն քննադատողները գալիս էին՝ ուղղակի սելֆի անելու, նկարվելու: Գյուղատնտեսը խոսում է փրկարարական աշխատանքից: Պետք չի խանգարել, ամեն մեկը թող իր գործով զբաղվի: Մեր մասնագետները 24 ժամ աշխատում են, դա մեծ ծավալի գործ է»,- ասել է ԱԻՆ փրկարար ծառայության տնօրենի տեղակալ Հովհաննես Եմիշյանը՝ անդրադառնալով քաղաքացիների քննադատություններին:

«Սուրմալու» առևտրի կենտրոնի տարածքում վերսկսվել են որոնողական աշխատանքները:

Նշենք, որ որոնողափրկարարական աշխատանքների արդյունքում հայտնաբերվել է 16 քաղաքացու դի:

Հիշեցնենք՝ օգոստոսի 14-ին՝ մոտավորապես 13։23-ին, «Սուրմալու» առևտրի կենտրոնում տեղի է ունեցել պայթյուն։