«Հետնամասի շինություններից էլ ենք դիեր հայտնաբերել»․ Արմեն Փամբուխչյան

ԱԻ նախարար Արմեն Փամբուխչյանը, ասուլիսի ժամանակ անդրադառնալով փլուզման վտանգ ներկայացնող հատվածներին, նշեց, որ հնարավոր է դրանք ապամոնտաժվեն։

«Երկու սյուներ ենք երեկ ապամոնտաժել, կա ևս երկու հատված, մեկը հիմնական շենքն է, որին դեռ չենք ուզում ձեռք տալ և հետնամասում ևս շինություններ կան, որտեղից, ի դեպ, երեկ դիեր ենք հայտնաբերել: Երբ որ հասկանանք՝ այտեղ այլևս չկան քաղաքացիներ, մտածում ենք ապամոնտաժել, քանի որ իրենցից որոշակի վտանգավորություն են ներկայացնում»,- նշեց նա։

Հիշեցնենք, որ օգոստոսի 14-ին, ժամը 13։23-ին Ճգնաժամային կառավարման ազգային կենտրոն ահազանգ է ստացվել, որ Երևանի Արշակունյաց 15 հասցեում գտնվող «Սուրմալու» առևտրի կենտրոնում տեղի է ունեցել պայթյուն՝ հրդեհի բռնկմամբ, ինչի հետևանքով եռհարկանի շինությունը մասնակի փլուզվել է։