Միացյալ Նահանգները պատժամիջոցներ է սահմանել Բելառուսի պաշտոնյաների դեմ
ԱՄՆ պետքարտուղար Էնթոնի Բլինկենը այսօր հայտարարել է, որ Միացյալ Նահանգները վիզային պատժամիջոցներ է սահմանում Բելառուսի կառավարության 100 պաշտոնյաների և նրանց գործընկերների նկատմամբ։
«Այսօր մենք հայտարարում ենք վիզաների սահմանափակումներ Բելառուսի 100 պետական պաշտոնյաների և նրանց համախոհների նկատմամբ՝ ժողովրդավարական ինստիտուտները խարխլելու, վնասելու կամ Բելառուսի անցումը դեպի ժողովրդավարություն խոչընդոտելու համար և դրանում նրանց մասնակցության համար», - ասվում է Բլինկենի տարածած գրավոր հայտարարության մեջ։
«Ցուցակում կան նաև խորհրդարանի անդամներ, շրջանային դատավորներ, անվտանգության աշխատակիցներ, գործադիր կոմիտեների անդամներ և պետական համալսարանների ղեկավարներ»,- հավելել է Բլինկենը։
