ՏԵՍԱՆՅՈՒԹ․ Խոշոր հրդեհ Իտալիայում․ հարյուրավոր մարդիկ տարհանվել են իրենց տներից
Սև ծուխը պարուրել է Իտալիայի մայրաքաղաքը՝ հրդեհ է բռնկվել Centocelle տարածքում, որտեղ գտնվում են հայտնի հեռուստատեսային ստուդիաներ: Ականատեսները միջադեպից կադրեր են տարածում սոցիալական ցանցերում։
Տեղական հրապարակումների համաձայն՝ նախօրեին հրդեհը պատել է մեքենաների ապամոնտաժման ծառայության շենքը և սկսել է արագ տարածվել ուժեղ քամու պատճառով։ Բնակիչները հայտնել են հրդեհի հետևանքով առաջացած մի շարք պայթյունների մասին: Ոմանք պնդում են, որ հրդեհը սկսվել է թաղային այգում։
Ըստ նախնական տեղեկությունների՝ տուժածներ չկան։ Հրդեհի արագ տարածման պատճառով մոտակա տների բնակիչները տարհանվել են՝ նրանց տեղավորել են ժամանակավոր կացարաններում։
