«Որոշ ժամանակ առաջ մի կարևոր դեղամիջոցի պաշարների սպառման ռիսկ էր առաջացել». առողջապահության փոխնախարար
ՀՀ առողջապահության փոխնախարար Արմեն Նազարյանը, ելույթ ունենալով ԱԺ տարածաշրջանային հարցերի և եվրասիական ինտեգրման հարցերի հանձնաժողովի նիստում, հայտարարեց, թե տարածաշրջանում լոգիստիկայի հետ կապված բարդությունները չեն խանգարում Հայաստան դեղերի ներկրմանը։
«Որոշ ժամանակ առաջ մի կարևոր դեղամիջոցի պաշարների սպառման ռիսկ էր առաջացել, որն օգտագործվում է վիրահատությունների ժամանակ։ Բայց ներմուծողը ժամանակին լրացրեց պաշարները։ Մյուս ներկրողները նույն կերպ լրացնում են մյուս դեղերի պաշարները»,- նշեց փոխնախարարը:
Վերջինս ընգծեց, որ առողջապահության նախարարությունը կանոնավոր կերպով դեղերի պաշարների մշտադիտարկում է իրականացնում, հատկապես կարևորագույն դեղերի։
