Որ դեպքում Ռուսաստանից կհանվեն պատժամիջոցները. Գերմանիայի կանցլերը պայմաններ է նշել
Գերմանիան անվանել է Ռուսաստանի դեմ պատժամիջոցների չեղարկման պայմանները: Ինչպես գրում է ТАСС-ը՝ կանցլեր Օլաֆ Շոլցը Սերբիայի նախագահ Ալեքսանդր Վուչիչի հետ համատեղ մամուլի ասուլիսում հայտնել է, որ խոսքը ոչ միայն ռազմական գործողությունների դադարեցումն է, այլեւ «իրավիճակի նորմալացումը» Ուկրաինայում։
«Պատժամիջոցներն այն չեն, որ կավարտվեն պատերազմի ավարտով։ Նախապայման է իրավիճակի փոփոխությունը, իրավիճակի բարելավումը, Ռուսաստանի ըմբռնումը, որ չի կարող խաղաղության պայմաններ թելադրել Ուկրաինային։ Ռուսաստանը պետք է բանակցի համաձայնագրի շուրջ, որը երաշխավորում է Ուկրաինայի տարածքային ամբողջականությունն ու ինքնիշխանությունը»,- ասել է Շոլցը:
