Երևանի քաղաքապետը հանձնարարել է մաքսիմալ կարճ ժամկետում վերանորոգել Ծիծեռնակաբերդի խճուղու փլուզված հատվածը
Երևանի քաղաքապետի հանձնարարությամբ` Ծիծեռնակաբերդի խճուղու փլուզված հատվածը կվերանորոգվի շուրջօրյա ռեժիմով:
Քաղաքապետի խորհրդական Կամո Արեյանն այսօր կայացած աշխատանքային խորհրդակցության ժամանակ նշել է, որ աշխատանքներն արդեն մեծ թափով ընթանում են։ Փլուզված տարածքն ու ստորգետնյա հաղորդակցությունները կվերականգնվեն ու կամրապնդվեն։
Հիշեցնենք, որ Ծիծեռնակաբերդի խճուղու մի հատվածը փլուզվել է մայիսի 20-ին՝ շինարարական նորմերը չպահպանելու հետևանքով։
