Լեհաստանը Ուկրաինային է փոխանցել ՄիԳ-29 ինքնաթիռների պահեստամասերի գրեթե ամբողջ պաշարը
Լեհաստանը Ուկրաինային է փոխանցել ՄիԳ-29 ինքնաթիռների պահեստամասերի գրեթե ամբողջ պաշարը:
Լեհաստանի իշխանությունները, որոնք հրաժարվել էին Ուկրաինային փոխանցել խորհրդային արտադրության իրենց ՄիԳ-29 կործանիչները, Կիև են ուղարկել այդ ինքնաթիռների պահեստամասերը։ Այս մասին հայտնում է լեհական Onet լրատվական պորտալը։
Պորտալի տեղեկատվության համաձայն ՝ Լեհաստանն Ուկրաինային է հանձնել ՄիԳ-29 ինքնաթիռների պահեստամասերի եւ սպառազինության գրեթե ողջ խմբաքանակը: Դա թույլ կտա ուկրաինական կողմին վերականգնել կործանիչների մարտունակությունը:
Ուկրաինայում խորհրդային արտադրության լեհական ՄիԳ-29 կործանիչների փոխանցման հարցը քննարկվել է ապրիլին։ Սակայն, լեհական իշխանությունների հավաստմամբ, նման մատակարարումներ չեն իրականացվել, այդ թեման փակված է ։
