Ավստրիայում ակտիվիստները գրավել են Ռուսաստանի նախկին փոխվարչապետ Իգոր Շուվալովի կալվածքը
Ավստրիայում ակտիվիստները գրավել են նախկին փոխվարչապետ Իգոր Շուվալովի կալվածքը։
Շուրջ 30 ավստրիացի ակտիվիստներ Զալցկամմերգուտ հանգստավայրում գրավել են Ատտերզե լճի կալվածքը, գրում է The Insider պարբերականը: Այն պատկանում է ՌԴ նախկին առաջին փոխվարչապետ Իգոր Շուվալովին եւ նախկին պաշտոնյան կալվածքում ապրել է դեռ մարտ ամսին: Ինչպես նշվում է վերջին շաբաթներին կալվածքում որեւէ մարդ չի նկատվել:
Սոցցանցերում ակտիվիստները դատապարտում են ռուսական ներխուժումն Ուկրաինա եւ կոչ են անում գրավված գույքը հանձնել փախստականներին ու անօթեւաններին:
Հիշեցնենք, որ մարտի կեսերին ակտիվիստները Լոնդոնում գրավել էին միլիարդատեր Օլեգ Դերիպասկայի առանձնատունը, իսկ Ֆրանսիայում ակտիվիստները ներխուժել էին Վլադիմիր Պուտինի դստեր ՝ Բիարիցայում գտնվող "Ալտա Միրայի" առանձնատուն:
