Լուսանկարներ․ Ինչպիսին կլինի Երևանյան լճի աջակողմյան հատվածում կառուցվող հանգստյան գոտին

Ընթացքի մեջ են Երևանի քաղաքապետարանի տարեկան ծրագրով մեկնարկած Երևանյան լճի մաքրման աշխատանքները: Այս մասին տեղեկացնում է Երևանի քաղաքապետարանի ֆեյսբուքյան էջը:

2022թ. համար բյուջետային մասհանումները կկազմեն 60 մլն 430 հազար դրամ: Դրանով նախատեսվում են Հրազդան գետի վրա ճաղավանդակի տեղադրում, աղբաորսիչ միջոցառումների կազմակերպում և շուրջ 12,500 խմ թափոնների հավաքում ու տեղափոխում:

Երևանյան լճի մաքրմանը զուգահեռ տարածքում հանգստի գոտի կստեղծվի: Նախատեսվում է բարեկարգել լճի ափամերձ տարածքի 2.8 հա հատվածը, տեղադրել նստարաններ, աղբամաններ, կառուցել մարզահրապարակ, հեծանվուղի, ճեմուղի:

Տարածքը լուսավորվել էներգախնայող լուսատուներով, իրականացնել կանաչապատման աշխատանք:

Երևանյան Լճի աջակողմյան հատվածում կառուցվող հանգստյան գոտու տեսքը՝ ստորև.

[3bc62fcb386fb33bd670afa4e88e8c83.jpg]

[02402eecb78f282545209e4ba1d69ad6.jpg]

[d19fb94f8e51402fe29ebe41bb8bb9a6.jpg]