Անկախ փաստաբանները ստեղծել են ոստիկանների քայլերը կանխող աշխատանքային խումբ. Արա Զոհրաբյան
«Ոստիկանության որոշ ծառայողներ ակնհայտ ապօրինի ֆիզիկական ուժ են գործադրում (երբեմն էլ առանձնակի դաժանությամբ) խաղաղ բողոքի ակցիաներին մասնակցող և նույնիսկ չմասնակցող քաղաքացիների նկատմամբ։ Ընդ որում, վայրագության և ապօրինության թիրախում են հայտնվում նաև փաստաբանները և լրագրողները։ Այս վայրագությունները կանխելու նպատակով անկախ փաստաբաններով ստեղծել ենք ոստիկանների վայրագությունները կանխող աշխատախումբ»,– հայտնել է փաստաբան Արա Զոհրաբյանը։
Աշխատախումբը հավաքելու է ոստիկանների կողմից անհամաչափ ուժի կիրառման մասին տեղեկությունները և դրանց համապատասխան իրավական ընթացք է տալու։
