Ռուսաստանը պատասխան պատժամիջոցներ սահմանեց Մեծ Բրիտանիայի դեմ
Ռուսաստանը, ի պատասխան Լոնդոնի պատժամիջոցների, ռուսական «ստոպ ցուցակում» ներառել է բրիտանական կառավարության առանցքային անդամների և մի քանի քաղաքական գործիչների, հայտնում է դիվանագիտական գերատեսչության կայքը, փոխանցում է Ռիա Նովոստին։
«Մեծ Բրիտանիայի կառավարության աննախադեպ թշնամական գործողությունների կապակցությամբ, որոնք արտահայտվել են, մասնավորապես, Ռուսաստանի բարձրաստիճան պաշտոնյաների դեմ պատժամիջոցների կիրառմամբ, որոշում է կայացվել ընդգրկել բրիտանական կառավարության առանցքային անդամներին և մի շարք քաղաքական գործիչների Ռուսաստանի «ստոպ ցուցակում»»,- ասված է հաղորդագրությունում։
Մեղադրյալների թվում են վարչապետ Բորիս Ջոնսոնը, պաշտպանության նախարար Բեն Ուոլեսը և նախարարների կաբինետի այլ անդամներ։
Ցանկը կընդլայնվի։
Դրանում, ըստ ռուսական գերատեսչության, կներառվեն քաղաքական գործիչներ և խորհրդարանականներ, ովքեր նպաստում են հակառուսական հիստերիայի հրահրմանը, Արևմուտքին դրդելով օգտագործել սպառնալիքների լեզուն՝ Մոսկվայի հետ երկխոսության ժամանակ և զբաղված են Կիևի անբարեխիղճ հրահրմամբ։
Մեծ Բրիտանիայի արտաքին գործերի նախարար Լիզ Թրուսի խոսքով՝ ավելի քան հազար ռուսաստանցիներ գտնվում են պատժամիջոցների տակ։ Սահմանափակումները ներառում են ակտիվների սառեցում և թագավորության տարածք մուտքի արգելք։ Սահմանափակումները մտցվել են «Ուկրաինայի ապակայունացման, ինքնիշխանության, նրա տարածքային ամբողջականության և անկախության սպառնալիքի և խարխլման նպատակով Ռուսաստանի գործողությունները դադարեցնելու նպատակով»։
