Բրյուս Ուիլիսը ավարտում է դերասանական կարիերան
Աշխարհահռչակ դերասան, 67-ամյա Բրյուս Ուիլիսը ավարտում է դերասանական կարիերան: Այս մասին տեղեկացրել է դերասանի նախկին կինը՝ Դեմի Մուրը:
Նա նշել է, որ Ուիլիսի մոտ ախտորոշվել է աֆազիա, հիվանդություն, որն ազդում է լեզվական հմտությունների վրա:
«Հետևաբար, Բրյուսը լքում է կարիերան, որն իր համար այդքան կարևոր էր: Սա իսկապես դժվար ժամանակ է մեր ընտանիքի համար, և մենք գնահատում ենք ձեր սերը»,- ասվում է գրառման մեջ:
