Ուկրաինայի ԳՇ-ն հայտնել է, թե Գյումրու 102-րդ ռազմաբազայից ստորաբաժանումներ կտեղափոխվեն Ուկրաինա
Նախատեսվում է Ուկրաինա տեղափոխել Հայաստանում տեղակայված 102-րդ ռուսական ռազմաբազայից մի քանի ստորաբաժանումներ: Նման հայտարարություն է արել Ուկրաինայի Զինված ուժերի գլխավոր շտաբը:
«Շարունակելով ռազմական գործողություններին մասնակցող առանձին ստորաբաժանումների մարտունակությունը վերականգնելու փորձերը՝ Ռուսաստանի Դաշնության ռազմական ղեկավարությունը նախատեսում է Ուկրաինայի տարածք տեղափոխել Հայաստանի 102-րդ ռուսական ռազմաբազայից որոշ ստորաբաժանումներ»,- նշվում է հայտարարությունում:
Նշենք, որ Ռուսաստանի Դաշնության պաշտպանության նախարարությունը այս առնչությամբ որևէ հաղորդագրություն չի տարածել:
