ԱՄՆ քաղաքականությունը Ռուսաստանի հետ հարաբերություններում կորցրել է իրականության զգացումը․ Լավրով
ԱՄՆ քաղաքականությունը Ռուսաստանի Դաշնության հետ հարաբերություններում կորցրել է իրականության զգացումը։ Այս մասին ասել է ՌԴ ԱԳ նախարար Սերգեյ Լավրովը, փոխանցում է Ռիա Նովոստին։
Ռուսաստանի Դաշնության նկատմամբ ԱՄՆ-ի քաղաքականությունը կատաղի է, այնտեղ քաղաքական գործիչները կորցրել են իրականության զգացումը։
Լավրովը RBC-ին տված հարցազրույցում համաձայնել է այն բնորոշմանը, որ Ռուսաստանի հարաբերություններն ԱՄՆ-ի հետ այժմ «հասել են հատակին»։
«Սա փոխաբերական արտահայտություն է: Այո, սա երբեք չի եղել, և ես չեմ հիշում այնպիսի բացարձակապես կատաղի քաղաքականություն, որը հիմա վարում է Վաշինգտոնը: Մեծ մասամբ դա առաջացել է Կոնգրեսում, որտեղ նրանք ընդհանուր առմամբ կորցրել են իրենց իրականության զգացումը»,- ասել է Լավրովը: