ԱՄՆ-ը պատժամիջոցներ է սահմանել Պեսկովի և ռուս գործարարների դեմ
ԱՄՆ-ը պատժամիջոցների հերթական փուլն է սահմանել։ Սպիտակ տան հրապարակած ցուցակում ընդգրկվել են Կրեմլի խոսնակ Դմիտրի Պեսկովը և ռուս յոթ խոշոր գործարարներ՝ իրենց ընտանիքներով, ինչպես նաև մի շարք կազմակերպություններ։ Այս մասին գրում է Ռիա Նովոստին։
«Այսօր ԱՄՆ-ը պատժամիջոցներ է սահմանում Ռուսաստանի նախագահ Վլադիմիր Պուտինի մերձավոր շրջապատի լայն շրջանակների և նրանց ընտանիքների նկատմամբ»,-նշված է Սպիտակ տան տարածած հայտարարությունում։
Միացյալ Նահանգների իշխանությունները հայտարարել են, որ սահմանափակումների հետևանքով կսառեցվեն իրենց ակտիվները, կարգելափակվեն նրանց ունեցվածքը, ինչպես նաև կկտրվեն ֆինանսական համակարգից։ Նշվում է, որ որոշումն ընդունվել է Ուկրաինայում Ռուսաստանի հատուկ գործողության հետ կապված։
Պատժամիջոցային ցուցակներում ներառված են Նիկոլայ Տոկարևը՝ Տրանսնեֆտի խորհրդի նախագահ և նախագահ Բորիս և Արկադի Ռոտենբերգները, Ռոստեկի գործադիր տնօրեն Սերգեյ Չեմեզովը, VEB.RF Պետական զարգացման կորպորացիայի նախագահ Իգոր Շուվալովը, միլիարդատեր Եվգենի Պրիգոժինը և USM Holdings-ի հիմնադիր Ալիշերը Ուսմանովը։
Սահմանափակումները վերաբերում է նաև նրանց ընտանիքների անդամներին, ընկերություններին։
