Որտեղից Ուկրաինային նոր «բայրաքթարներ»
Թուրքիան հայտարարել է, որ Ուկրաինային որպես օգնություն «Բայրաքթարներ» չի տրամադրել: Ինչպես գրում է Sabah թերթը՝ Թուրքիայի ԱԳ փոխնախարար Յավուզ Սելիմ Քըրանը նշել է, որ խոսքը մասնավոր ընկերությունից կատարած գնման մասին է:
Ըստ թուրք փոխնախարարի՝ Ուկրաինան ցանկացել է ձեռք բերել «Բայրաքթարների» նոր խմբաքանակ և գործարք է կնքել այդ ԱԹՍ-ներն արտադրող ընկերության հետ:
Հիշեցնենք, որ երեկ Ուկրաինայի պաշտպանության նախարար Ալեքսեյ Ռեզնիկովը հայտնել էր, որ երկիր է հասել թուրքական ԱԹՍ-ների նոր խմբաքանակ, որոնք արդեն մարտական հերթապահության են անցել:
