Չեխիան 14 մլն դոլարի մարդասիրական օգնություն կհատկացնի Ուկրաինային
Չեխիայի վարչապետ Պետր Ֆիալան հայտարարել է, որ Հանրապետության կառավարությունը որոշել է 300 միլիոն կրոն (մոտ 14 միլիոն դոլար) հատկացնել Ուկրաինային մարդասիրական օգնության շրջանակներում։
«Մենք հավանություն ենք տվել Ուկրաինայի քաղաքացիներին 300 միլիոն կրոնի չափով շտապ հումանիտար օգնության տրամադրմանը»,- գրել է նա Twitter-ի իր միկրոբլոգում։
Ֆիալան հավելել է, որ Հանրապետությունը Ուկրաինային կապահովի վառելիքի անհրաժեշտ մատակարարմամբ:
«Մենք պատրաստ ենք աջակցել Ուկրաինային արյան և պլազմայի մատակարարման հարցում»,- ասել է Չեխիայի վարչապետը։
