Դոնեցկից և Լուգանսկից Ռուսաստան է տարհանվել ավելի քան 93 հազար քաղաքացի
Փետրվարի 22-ի դրությամբ Ռուսաստան է արդեն ժամանել ԼԺՀ-ից և ԴԺՀ-ից տարհանված ավելի քան 93,5 հազար փախստական։ Այս մասին հայտնում է ТАСС-ը՝ հղում կատարելով ՌԴ իրավապահ մարմինների աղբյուրին։
Հաղորդվում է, որ փախստականների մեծ մասն ունի Ուկրաինայի քաղաքացիություն։
«Երեքշաբթի երեկոյան դրությամբ Ռուսաստանի հետ սահմանը հատել է ավելի քան 93500 մարդ։ Այս թվից Ուկրաինայի գրեթե 60 հազար, Ռուսաստանի Դաշնության ավելի քան 34 հազար և այլ պետությունների մոտ 200 քաղաքացիներ կան»,- ասել է աղբյուրը։
