Ուկրաինան Դոնեցկի և Լուգանսկի բնակիչների տարհանումը Ռուսաստան անվանել է «ուկրաինացի քաղաքացիների արտաքսում»
Ուկրաինայի գլխավոր դատախազ Իրինա Վենեդիկտովան հայտարարել է Դոնբասի ինքնահռչակ հանրապետությունների բնակիչների՝ Ռուսաստան «ապօրինի տարհանման» գործով հետաքննություն սկսելու մասին։ Այս մասին Վենեդիկտովան գրել է ֆեյսբուքյան իր էջում՝ Դոնբասից խաղաղ բնակչության տարհանումն անվանելով «ուկրաինացի քաղաքացիների արտաքսում»։
«Այսպես կոչված «տարհանման» քողի ներքո, որի համար հիմքեր չկան, քաղաքացիական անձանց՝ Ուկրաինայի քաղաքացիների փաստացի արտաքսում է Ռուսաստանի Դաշնության տարածք։ Նրանց թվում են մեր քաղաքացիների անպաշտպան կատեգորիաները՝ ծնողազուրկ երեխաներ, գիշերօթիկ հաստատությունների ուսանողներ, հոգե-նյարդաբանական բժշկական հաստատությունների հիվանդներ»,- գրել է Վենեդիկտովան:
