Ղրիմից կամավորներ են ժամանել Դոնեցկ և Լուգանսկ
Ղրիմից մի խումբ կամավորներ ժամանել են ինքնահռչակ Դոնեցկի և Լուգանսկի Ժողովրդական Հանրապետություններ՝ բնակիչներին օգնություն ցույց տալու և նրանց ինքնորոշման իրավունքը պաշտպանելու համար։ Այս մասին հայտարարել է Ռուսաստան-Դոնբաս կոմիտեի համակարգող Անդրեյ Կոզենկոն։
«Դոնբասը շարունակում է մնալ առաջնագծում՝ ենթարկվելով ուկրաինացի գրոհայինների կողմից դաժան զինված ագրեսիայի... Մենք պետք է օգնենք և պաշտպանենք Դոնբասի բնակիչների ինքնորոշման իրավունքը»,- ՌԻԱ Նովոստին մեջբերում է կոմիտեի ղեկավարի խոսքերը:
Հիշեցնենք, որ ինքնահռչակ հանրապետությունները հայտարարեցին խաղաղ բնակչության տարհանման, ինչպես նաև ընդհանուր մոբիլիզացիայի մասին։
